FABIENNE

D’Fabienne isch am 5. September 1986 in Zug  (SWI) gebore. Als 10 Jährigi het sie ihri erste Golfschwüng gmacht und mit 15ni het sie gwüsst dass sie eines Tages als Golfprofi uf der Tour wet ihres Geld verdiene.

 

Nachem Matura-Abschluss am Schweizer Sportgymnasium in Davos und emene eijährige Ufenthalt a de Purdue University (Indiana/USA) mitemene volle Golf Stipendium het Fabienne ihre Studium in Sydney, Australie  2011 mitemene Bachelor in Sport-Management abgschlosse.

 

Im 2012 isch Fabienne is Profilager gwechslet ond het während 2 Jahr uf der LET Access Tour gspielt bevor sie sich 2014 für d Ladies European Tour (LET) qualifiziert het und bis zu ihrem Rücktritt die voll Spielberechtigung gha het.

 

Ihri Karriere Highlights sind mehreri Top 10 Resultat gsi uf der LET, under anderem e 2. Platz bim Hero Women’s Indian Open sowie en Sieg uf dr LET Access Tour. Ihr ganz persönlichs Highlight isch d Qualifikation für di Olympische Summerspiel in Rio 2016 gsi, wo sie d Schwiz am gröschte Sporrtevent vo dr Welt het dörfe vertrete.

 

Endi 2017 het d Fabienne ihre Rücktritt vom Spitzesport bekannt gäh und setzt sit dem all ihri Energie is Coaching. Sie wird Athletinne und Athlete sowie Gschäftslüt im mentale, physische, Lifestyle- und Management- Berich zur Site stoh.